jump to navigation

கொதிப்பு Saturday October 9, 2004

Posted by Pari(பரி) in பொது.
trackback

முன் குறிப்பு: இந்தப் பதிவும் இன்னும் இரண்டு நாட்களுக்கு வர இருக்கும் பதிவுகளும் மரத்தடி போட்டிகளுக்காகக் அனுப்பியவை. சொந்த வசதிக்காக இங்கே சேமித்துக் கொள்கிறேன்; அவ்வளவே.

உங்கள் நேரத்தை இங்கே வீணாக்க வேண்டாம். அதைவேறு நல்ல எழுத்துகளைத் தேடிப்பிடித்துப் படிப்பதில் செலவிடுங்கள்.


கொதிப்பு

சுடு எண்ணையில்

வெடித்துச் சிதறிய கடுகுத்துளிகள் சில

விழியிமைச் சுட்டன

‘ஆகுமா உனக்கு?’ என்று

சில்லிட்ட நீரையூற்ற

சீறியடங்கிச் சலனமற்றுப் போயிற்று

மிளகாய்ப் பொடித்தூவி எரித்தபோதும்

உப்புத்தூவி கரித்தபோதும்

மௌனமாகவே ஏற்றுக் கொண்டது

மீண்டும் தெரிக்குமோவென்ற அச்சத்தில்

காய்த்துண்டங்களைப் போட்டு அமுக்கியும்

புளிக்கரைசலை யூற்றியும் அடக்கப்பட்டது

கலங்கிய குட்டையில் மழைத்துளி பட்டுத்

தெறிப்பதையொத்து

மெதுவாக மேலெழும்பிச்

சாதுவாகத்தான் கொதித்தது முதலில்

கொதித்தது கூத்தாடியாகி

வெம்மைக் குமிழ்களை

வெளிச்சிதறியது

தனல் குறைத்ததன் கொட்டத்தையடக்கும்

சூட்சமம் பிடிபடுவதற்குள் கையெல்லாம் ரணம்

எங்கோ வெறித்த பார்வையைத் திருப்பி

இட(து)மார்பில் அழுந்திய கைகளை விலக்கிப் பார்க்கிறேன்

தழும்புகள் சிரிக்கின்றன.

சூடு பழகிவிட்டதோ?

(ஆகஸ்ட் 16, 2004)



நன்றி: மரத்தடி

பி.கு: இந்த கண்றாவியை பொதுவில் போடச் சொல்லித் தூண்டியவர் எங்கிருந்தாலும் ஒழிக.

Advertisements

Comments

1. சுந்தரவடிவேல் - Sunday October 10, 2004

ஆமா இது வெறும் சமையலுக்கு மட்டுமா? 🙂


Sorry comments are closed for this entry

%d bloggers like this: