jump to navigation

மனப்பாடப் பகுதி Tuesday May 11, 2004

Posted by Pari(பரி) in பொது.
trackback

தேரா மன்னா செப்புவ துடையேன்

எள்ளறு சிறப்பின் இமையவர் வியப்பப்

புள்ளுறு புன்கண் தீர்த்தோன் அன்றியும்

வாயிற் கடைமணி நடுநா நடுங்க

ஆவின் கடைமணி உகுநீர் நெஞ்சுசுடத் தான்தன்

அரும்பெறற் புதல்வனை ஆழியின் மடித்தோன்பெரும்பெயர்ப் புகாரென் பதியே அவ்வூர்

ஏசாச் சிறப்பின் இசைவிளங்கு பெருங்குடி

மாசாத்து வாணிகன் மகனை யாகி

வாழ்தல் வேண்டி ஊழ்வினை துரப்பச்

சூழ்கழல் மன்னா நின்னகர்ப் புகுந்தீங்கு

என்காற் சிலம்புபகர்தல் வேண்டி நின்பாற்

கொலைக்களப் பட்ட கோவலன் மனைவி

கண்ணகி யென்பதென் பெயரேயெனப்; பெண்ணணங்கே

நன்றி: மதுரைத் திட்டம்

புரிகிறதோ, புரியவில்லையோ, பள்ளியில் படிக்கும்போது ‘மனப்பாடப் பகுதி’யில் இருப்பதை நெட்டுரு போடவேண்டும். அப்படி நெட்டுரு போட்டவையில் பல பிற்காலத்தில் மறந்துபோய்விடும்; சில நெஞ்சில் நிற்கும்.

மறந்துபோன பலவற்றை ஞாபகப்படுத்த முயன்று, தோற்று, எப்படியாவது கண்டுபிடிக்க வேண்டும்; அதைப் புரிந்துகொள்ளவேண்டும் என்ற உந்துதல் அவ்வப்போது வரும்.

மேலே உள்ள பாடலில், “மாசாத்து வாணிகன் மகன்” என்ற வார்த்தைகள் மட்டுமே ஞாபகத்தில் இருந்தன.

மதுரைத் திட்டத்தில் தேடிக் கண்டுபிடித்ததும், பாடலின் முதல் இரண்டு வார்த்தைகள் ‘தேரா மன்னா’ என்பதைப் பார்த்ததும் முதல் நான்கு வரிகள் தானாக ஞாபகம் வந்தன.

பிறகு ஒரு தடை; மீண்டும் ஒரு ஞாபகத் தூண்டுகோல், அடுத்த இரண்டு வரிகள் ஞாபகம். இப்படியாக முழுப்பாடலையும் பிடித்தாயிற்று.

இதன் பொருள் விளங்குவதில் சிரமும் இருக்காது(கூடாது).

தலைவிரி கோலமாக, கண்ணகி, பாண்டிய மன்னன் சபையில் நின்று ‘நாக்கைப் பிடிங்கிக்கொள்ளுமாறு’ கேள்வி கேட்கும் கற்பனைக் காட்சி கண்முன் விரிகிறது.

Advertisements

Comments

1. Shankar - Monday May 17, 2004

என்காற் சிலம்புபகர்தல் வேண்டி நின்பாற் – ingae ‘silambupakarthal’ siirukku meter sariya irukkudha? romba naal sandheegam. unggalukkuth theriyuma. illa harikrishnanaik keeppamaa?

2. பரி - Tuesday May 18, 2004

ஐயா சங்கரு, மீட்டர் மேட்டரெல்லாம் நமக்கொண்ணும் தெரியாது. அந்தப் பக்கமே கேட்டுக்க 🙂


Sorry comments are closed for this entry

%d bloggers like this: